Бақои Истиқлолият дар асолати он аст

Бақои истиқлолият дар асолати он аст

Дар қатори санаҳои ҷашни милли рӯзи Истиқлолияти далати дар саҳифаҳои таърихи давлату миллат ҷойгоҳи намоёнеро ишғол менамояд. Чунки ин сана аз он ҳодисаҳоест, ки марбут ба эҷоди давлати озоду мустақил пас аз барҳамхурии давлати сермиллати собиқ Иттиҳоди Шуравӣ мебошад.

Яке аз махсусияти ин давлати навбунёди Тоҷикистон дар он зуҳур меёфт, ки дар як давраи пуршиддати сиёсии дохилии мамлакат поягузорӣ мешуд, ҷангу кашмакашиҳои сиёсӣ, ки рахна ба иқтисодиёту ичтимоиёт зада буданд. Ҷанги сарзадаи шаҳрвандӣ, ки оқибати ин кашмакашиҳо буд давлатро бо рукнҳои сусташ ба остонаи фано расонда, истиқлолияти он паи маҳвёбӣ қарор гирифта буд.

Аммо хушбахтона шахсияте, ки вуҷудаш аз меҳри Ватану миллат сиришта шудааст ҳифзу ҳимояи халқу сарзаминашро ба ӯҳда гирифт ва тавонист дар давоми чаҳорякасраи таърих ҳам сулҳ ораду ҳам Истиқлолияти давлатиро барпо намаояд.

Ин шахсияти барҷаста, яъне роҳбари давлат, Асосгузори сулҳу вахдати милли — Пешвои миллат муҳтарам Эмомалӣ Раҳмонро муяссар шуд, ки дар заминаи суст иктисодиёти тавоно, дар хазинаи холӣ буҷети серғановати давлатро ташкил намуда, аз вайрони замини аҷдодонро ба сабзиву корамӣ барад дар такя ба халқи оддиву меҳнатқаринӣ .

Тӯли 34 соли соҳибистиқлоли пояҳои ҳуқуқбунёдии давлат дар такия бо санадҳои Конститутсия устуворӣ ёфт, сулҳдустӣ принсипи ягонаи осоиштагӣ дар рукни давлатдори гашт. Дигар нуқтаи муҳимтарин эҳёи тамаддуну куҳансолори миллати тоҷик, ки ба фаромӯши рафта буд аз сиёсати беҳтарини кордории Президенти мамлакатамон мебошад.

1100-солагии давлатдории тоҷикони аҳди Сомониён, бузургдошти соли тамаддуни ориёӣ, Ҳисору Хатлон, Имоми Азам, ҷашни солинавии форс-тоҷик Навруз, шашмақом, фалак, чакан, ки дар миқёси умумиҷаҳони номбар гардидааст моро дубора ба арзишҳои гаронмояи миллатамон пайваст. Ҳамин суханони Пешвои миллат: «Истиқлолият муқаддастарину азизтарин неъмат, рамзи саодату асолати миллат, шарафу номуси ватандорӣ ва нишонаи пойдориву бақои давлат мебошад». Нигориши ҳамин арзишҳои миллати тоҷик аст, ки дар гуфтору амали кордории роҳбари давлат ягонаву ҷамъ оварда шудааст. Асри ХХІ давраи бошиддат пешравии илму техника аст. Бо дарназардошти ҳамин Пешвои миллат ҷомеаро сӯи фатҳи он хидоятгарӣ менамоянд, хусусан ҷавононро, ба он хотир, ки миллат ҳамқадами илми пешрафтаи чахонӣ гардад.

Озмунҳои «Илм фурӯғи маърифат”,  «Фурӯғи субҳи доноӣ…» ва махсусан эълон гаштани соли 2024-ум «Соли маърифати ҳуқуқӣ» соли 2025-2030 “Солҳои рушди иқтисоди рақами ва инноватсия» дар Паёми навбатии он кас дар пешрафту таҳомули зеҳниву чаҳонбинии наслҳои наврасу мардумони ҷумҳури дарҳои илму азхудсозии технологияи навтаринро фарох мегардонад. Ин даврони соҳибистиқлолиро беҳтар нишон медиҳад. Истиқлолият доираи афзалиятҳои некманишро ба ақли ҷомеа дастрас месозад, дар ҳамин аст асолату бақордории он.

Судяи суди шаҳри Конибодом Исроилзода  Дилноза Муҳиддинҷон